Mari Hesjedal er dramatikar, scenograf og kostymedesignar. Ho har filmutdanning frå International Film School of Wales, og ein Master i Scenografi frå Central Saint Martins College of Art and Design i London. I 2013-14 gjekk ho på Forfattarstudiet i Bø.
Har brei erfaring i scenekunstfeltet som scenograf og kostymedesignar. Jobbar både ved institusjonsteater og i det frie feltet. Dei siste åra inkluderer produksjonar ved Teater Ibsen, Turnéteatret i Trøndelag, Brageteatret, Det Vestnorske Teateret og Den Nationale Scene i Bergen.
Eg elskar å lage teater og å vere tett på det kreative samarbeidet i scenerommet. Eg har erfaring med mange ulike sceneuttrykk, frå samtidsdans og fysisk teater, til spel, dokumentarteater og intermediale uttrykk. Som scenograf jobbar eg saman med regissøren og resten av det kunstnariske laget for å integrere alle delar av det visuelle konseptet med forteljinga og dei sceniske handlingane.